Mateo 27:16 - Amazwi Yakwe Leza 2013

¹⁶ Pa kasita kaka yakweti munyepwe wenga mulumbuke cuze, wino zina lyakwe a Balaba.

Mateo 27:16 交叉參考

Mako 15:7

Lelo pali umuntu umwi, zina lyakwe a Balaba, wino wali mu ng'anda yaminyololo pamwi na antu asangukile uteko nu kukoma antu mu mpanzela.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

Yoane 18:40

Nao yasanzika mazwi yao, yaasuka yati, “Awe, wene foo! Tukulonda Balaba!” (Balaba wali cipondo.)

Luka 23:25

Ayasapwila umuntu wino yalondanga, wiyo uwanyefilwe pamulandu wa kusangukila uteko nga na pamulandu wa kukoma. Lelo apeela Yesu kunoyali, kuti yacite mwaelile kulonda kwao.

Mateo 27:15

Pa nsita ya kuzevya Cimulo ca Ucilo lwali ulutambi lwa mulasi kusapwila iumba munyepwe wenga wino yakasi.

Mateo 27:17

Caleka lino iumba lyakongana, Pilato ayauzya ati, “Uzye mukulonda kuti musapwile weni? Uzye a Balaba nanti a Yesu wino akaamwa ukuti Klistu?”

Loma 16:7

Natuma ulau kuli Andolonika nga na Yuniasi, Ayuda yanji yano ali pamwi nani mu ng'anda yaminyololo. Yamanyikwa cuze mu atumwa, nupya yali ankolelo pali nene kuya aina Klistu.