Mateo 26:61 - Amazwi Yakwe Leza 2013

⁶¹ ku kumulongwela. Mukusyalikizya, antu yaili yaile inkolelo yavwanga yati, “Muntu wii wavwanzile ati, ‘Ningomoola Ng'anda ikulu yakwe Leza nu kuikuula mu manda yatatu.’ ”

Mateo 26:61 交叉參考

Mateo 27:40

“We muno ungomoola Ng'anda ikulu yakwe Leza, nu kuikuula mu manda yatatu! Ituule ndi wewe Mwana wakwe Leza! Ika ku lupanda!”

Mako 15:29

Na yano apitanga mu pipi yapukunya mitwe yao nu kusoweka Yesu yati, “Ee! We muno ungomoola Ng'anda ikulu yakwe Leza nu kuikula mu manda yatatu,

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Milimo 22:22

Antu yuvwa kuli Paulo kufika nalino wavwanzile mazwi yaa. Lelo yatandika kupundisya yasanzika mazwi yao yati, “Mukomini, mukomini!”

Milimo 18:13

yavwanga yati, “Umuntu wii, akwezya kunena antu ukuti yapepa Leza mu musango utalingine ni sunde!”

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Yoane 9:29

Twamanya vino Leza wavwanzile kuli Mose. Lelo umuntu wii, tutamanyile kuno wafuma!”

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Mateo 26:71

Alino afumapo aya ku mulyango, nga lino umukazyana muomvi namuze wamulola, anena yano aimi pipi ati, “Muntu wii, nawe kwene wali na Yesu uwaku Nazaleti.”

Mateo 12:24

Lelo lino Afaliseo yuvwa cii, yavwanga yati, Awe! “Kupitila sile muli Belezebu, mwanangwa wa mipasi yankota, amuno akafumizya mipasi yankota.”

2 Yamwene 9:11

Alino Yeu aswilila ku ikolo yauze, nga nayo yamuzya yati, “Uzye kunufumile ukwacele? Uzye cipena wilya walaizile cani kunuli?” Yeu nawe aasuka ati, “Mwamanya umuntu wilya kumwi ni mvwango zyakwe.”

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

Utandiko 19:9

Lelo antu yalya yanena Loti yati, “Senka pano, mwinamasi we! Nga weweni wakutunena cakucita? Senka, ndasi vivyo wewe tumakuombela ukuluta pali yayo.” Alino yakanka Loti nga iyaya nu ku cisasa kuti yalepule.

Mateo 26:62

Lyene Simapepo Mukulu aimilila, auzya Yesu ati, “Uzye usi na cakuvwanga pali vino yakukulongwela?”

Mateo 27:5

Caleka Yuda asya wasumbila impiya zyakwe siluva mu Ng'anda ikulu yakwe Leza. Alino apita aya aikulika.

Mako 14:58

“Tuvwile akuti, ‘Ndomoola Ng'anda Ikulu yakwe Leza ino antu yakuuzile, nga nani ndakuula yuze mu manda yatatu, ino itangakuulwa na antu’”