Mateo 26:39 - Amazwi Yakwe Leza 2013

³⁹ Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 26:39 交叉參考

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Filipi 2:8

Wene waicefizye nu kuyela Leza kufika nu ku kufwa kwakwe ukwa pa lupanda.

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

Yoane 14:31

Lelo antu amu nsi yalinzile yamanye vino natemwa Tata. Uli mulandu uno nkacita vyonsi vino wampeela ilamulo kuti ncite. “Katukini, tuini tufume pa ncende ii.”

Yoane 18:11

Lelo Yesu anena Petulo ati, “Swilizya lupanga lwako mu cipata caluko! Uzye ukwelenganya vino ntangamwa lwako lwa ucuzi luno Tata watampela?”

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

2 Samueli 15:26

Lelo ndi wene atazangile munondi, lyene cili kunoli, ukuncitila consi icingamuzipila.”

Mpendwa 14:5

Lyene Mose na Aaloni yafukama pansi yafupime pa manso yi umba lyonsi lya ina Izlaeli, ilyakongine.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

Utandiko 17:3

Lyene Abulamu afukama pansi afupime, nga Leza amunena ati,

Milimo 10:25

Walanga lino Petulo atali aingile, Konelio amukomanya afukama pa ngazo zyakwe.

Luka 17:16

Lyene afukama pansi nkolelo yakwe Yesu, amutaizya. Muntu wii, wali u Musamaliya.

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Yoane 5:19

Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.