21 Walanga yacili yakulya, Yesu ayanena ati, “Wenga uwa munomuli amankoopa.”
Pacisila lino Yesu wavwanga vii, aaziwa cuze mu mwenzo, nga avwanga paswe ati, “Cumi namunena vino wenga uwa munomuli amankoopa.”
Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.
Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.
“Mwati mumanya vino kwasyala manda yaili kufika pa wanda wa kuzevya Cimulo ca Ucilo, nga nu Mwana wa Muntu alapeelwa kuti yamutane pa lupanda.”
Alondezi yasakamikwa cuze nga yatandika kumuuzya wenga wenga yati, “Mwene, uzye anene ukunena?”
“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’
Alondezi yacecetana, nga yasima mu myenzo pali vino wavwanga.
