42 “Caleka pempulini, pano mutamanyile wanda uno Mwene winu aliza.
Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”
Caleka lyene, swemo tutalinzile kukasula wa antu yauze. Tulinzile kulola nu kupempula.
Caleka pempulini pano mutamanyile uwanda nanti kasita.”
“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”
Pempulini nu kukomeleka mu utailo, posyini, muye na maka.
“Kusi nanti wenga wamanya kwiza kwa wanda ulya nanti kasita. Angeli ya mwiyulu nanti Mwana kwene yatamanya, suka sile Tata.
Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.
Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.
Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.
Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.
Nupya manyini ukuti mwine ng'anda ndi amanyile insita ino aivi yakwiza, atangakasula nupya atangaleke yatame ng'anda yakwe.
Lelo lino yao ali viwelewele yaciliya ku kukala mafuta, siwinga nawe asyala aiiza. Akazyana yao aiteinye iingila pamwi nawe mu ng'anda umwali cimulo ca winga. Alino cisasa ciyalwa.
“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.
