Mateo 23:23 - Amazwi Yakwe Leza 2013

²³ “Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Mateo 23:23 交叉參考

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Aina Levi 27:30

Conga pa vintu ikumi muli vyonsi vino impanga ikamezya, usi mulandu cingaya imbezu nanti viseekwa, cene icakwe Yawe.

Luka 18:12

Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

Mateo 12:7

Lelo ndi cakuti mwamanyile vino mazwi yaa yakusenula akuti, ‘Nkulonda kuti mwalanga uluse ku antu yauzo kuluta kundetela impolelwa,’ lyene mutangavunuka yano asi na mulandu.

Ezaya 28:25

Umulimi wensi pano wapela, akati ndi wamala ukuteyanya umusili alino akomela imbezu izili wa usozi ni ntoyo. Uzye asita ni ngano mu ncende yakwezyo, baale nawe mu ncende yakwe, asuka atovya ni nkona umu mbali?

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [