Mateo 22:11 - Amazwi Yakwe Leza 2013

¹¹ “Lelo lino mwene wingilamo kukulola yano amilwe, alola umuntu umwi mwenemo, wino atazwite vizwalo vya pa winga.

Mateo 22:11 交叉參考

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Efeso 4:24

nupya zwalini untu upya, uno waumvilwe mu mwata wakwe Leza. Lyene mulaya aololoke nupya amuzilo.

2 Kolinto 5:3

Tukulonda kuuzwala wa nsalu kuti tutaya tupu.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Galatiya 3:27

Na lino mwawatiziwe apa kutaila muli Klistu mwazwite Klistu mu musango uli onga ndi vino mukazwala vizwalo vipya.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Mateo 13:30

Lekini vyonsi vikulile pamwi kufika ku uzombozi. Pa nsita ilya ndanena azombozi inti, mutandike kwipa kalolo, mumukolonganike nu kumunyepa mu myanzi, nu kooca mu moto. Alino lyene mukolonganike ingano nu kuzisezya mu nkoma.’ ”

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Nyimbo zya ndosya 5:22

Suka sile manye ndi cakuti wemo wala watusumba nu kutukwatila icipyu camuntaputuka.

2 Yamwene 10:22

Alino Yeu anena uwasunganga ivyakuzwala vya mapepo, ati, “Letela yakapepa yakwe Baali imingila.” Acino umuntu wiyo ayaletela imingila.

Mateo 22:10

Caleka aomvi yapita yaya mu miseo, yakonganika antu yonsi aipe na asuma yano yazanyile, nu muputule usuka ucepa.