Mateo 2:2 - Amazwi Yakwe Leza 2013

² Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Mateo 2:2 交叉參考

Mpendwa 24:17

Inkumulola, nga lelo asi pa nsita ikwene. Nkumulolekesya, nga lelo asi apipi. Umwene, akoline wa lutanda, alafuma mu luko lulu. Intuwa ya wene yakatuka yafuma mwakwe Izlaeli. Wene wapola Moabu mu nzekete yi kutwi Na ana yakwe Seti yonsi aonsi ku lupanga.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Ezaya 60:3

Antu ya mitundu yuze yaliza kunuli na yamwene nayo kwene yalaileta ku luswepo lwako ululi wi lanzi ilikutunka!

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Luka 23:38

Na papela panoli palemvilwe mazwi yaa akuti, “Wii, ali Mwene wa Ayuda.”

Luka 23:3

Pilato nawe amuuzya ati, “Uzye wewe uli Mwene wa Ayuda?” Yesu nawe aasuka ati, “Watuvwanga.”

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Luka 19:38

ala likuti, “Walongo a kateeka akwiza mwi zina lya Mwene! Mutende uye mwiyulu, nu lulumbi kuli Leza mwiyulu papelapela!”

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

Yoane 9:38

Lyene umuntu avwanga ati, “Mwene, nataila!” Alino afukamila Yesu.

Yoane 19:19

Pilato walemvile cimanyisyo nu kucipampamila pa lupanda. Palemvilwepo ukuti “Yesu uwaku Nazaleti, Mwene wa Ayuda.”

Yoane 12:13

Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Mateo 27:11

Alino yatwala Yesu ku mulasi, yamwimika inkolelo yakwe, nga mulasi uwaku Loma amuuzya ati, “Uzye wewe uli Mwene wa Ayuda?” Yesu nawe aasuka ati, “Watuvwanga.”

Yoane 20:28

Tomasi amunena ati, “Mwene wane, Leza wane.”

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 2:3

Lino mwene Helodi wacuvwa, wene pali pamwi na amu Yelusalemu yonsi yasakamikwa.