Mateo 2:11 - Amazwi Yakwe Leza 2013

¹¹ Alino iingila mu ng'anda, yalola mwana wilya na nyina Maliya, yamufukamila yamupepa. Alino yasapula vyuma vyao, nga yamupeela mawila yakwe zaabu, ubani nga ni vyamununko usuma, Mule.

Mateo 2:11 交叉參考

Ezaya 60:6

Ingamila zimaizanga kunuli, iciufyo. Zimafumanga uku Midyani nu ku Efa. Zyonsi sile ni zyaku Syeba ziliza ala zyatizisenda zaabu nu ubani. Umu cumi antu yalalumbilizya vino Leza wacita.

Masamu 72:10

Yamwene aku Tasyisyi, na yaya aikala lwa mu vilila yalukuleta amawila kunoli. Yamwene aku Syeba na aku Seba nayo yalukuleta ivya mawila kunoli.

Luka 2:16

Lyene yacincila yapita yaya yazana Maliya na Yosefu ala alalike mwana kanya mu mulangu.

Mateo 2:2

Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Masamu 72:15

Umwene wa pano nsi kalukupita ulumi! Kaatuulwa zaabu uwaku Alabya, kayalu kumupeela insita zyonsi, na Leza kalu kumupolelela pee!

1 Yamwene 10:2

Wene aiza na aomvi avule nga ni ngamila ale zisenzile ivinunkile, na zaabu umuvule wakwe cimwi, na mawe amutengo ukulu cuze. Lino wafika kuli Solomoni, amunena vyonsi ivyali ku mwenzo wakwe.

Mpendwa 7:14

Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Mateo 14:33

Alino alondezi yano ali mu wato, yamufukamila, yavwanga yati, “Cumi, wewe Mwana wakwe Leza.”

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.

Luka 2:38

Pa nsita kwene lino akwasi yatwazile umwana Yesu mu Ng'anda ikulu yakwe Leza, Ana nawe aiiza ku kupeela intaizyo kuli Leza. Alino alanda pamulandu wa mwana kuli yano yonsi alolelanga kuti Leza akulule amu Yelusalemu.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.

Mpendwa 7:86

Imbale ikumi na ziili zyakwe zaabu zino zyazilemo ubani nazyo cila yonga yanyomile kulingana na magalamu umwanda onga ni kumi, kulingana ni cipimilo caku Ng'anda ikulu yakwe Leza, na zyonsi pamwi zyanyomile kulingana kilogalamu wenga na citika.

Aina Levi 6:15

Lyene simapepo atapulepo ikufi lyonga lya usu utonyoleke wa mawila yayo pamwi na mafuta nu ubani mwenemo, vino vili pa wila wa cakulya. Avyoce pa kavuwa pakulanga ukuti iciputulwa capeelwa kuli Yawe nupya viye uwila uwa mununko usuma ukazanzya Yawe.

Kufuma 30:34

Lyene Yawe anena Mose ati, “Tola vipimilo vilingane vya vintu vinunkile ningo wakwe vii: sitakate, onika, galibanumu, nu ubani wa mpomvu.

Utandiko 43:11

Lyene isi ayanena ati, “Ndi cili vivyo, fwandi mulasi mumusendeleko vintu visuma vya muno mpanga mu masaka inu. Mukamupele wa mawila ya mulasi. Mumutwalile tumina twa muti, nu tuuci tunono, vyamununko usuma, mbalala, ni viseekwa ivyakolana na makole.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Masamu 45:8

Insalu zyako zikanunkila usaka, ku cinunu cisuma cakwe mule, aloe ni misisi na mafwa yauze acinunu cisuma. Yakalizya ya ngoma na yakimbila ya nyimbo, yakaiza kunuli uku kwimbila ukwi sano kuno ya kukuulila na mino ya nzovu.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

1 Yamwene 10:10

Alino apeela umwene zaabu ukulingana na makilogalamu 4,000, ni vyakununkizya ivyakulya vivule wakwe cimwi, nga na mawe amutengo ukulu cuze. Kutatazile kuletwe icipimo icikulu ca vyakununkizya ivyakulya icilusile cico cino namwene waku Syeba wapeezile umwene Solomoni.

Kufuma 30:23

“Utole vyamununko usuma kulingana makilogalamu yatatu yakwe mule nanti vya musango wakwe kinamoni, makilogalamu yatatu a visali vinunkile ningo,

Lwimbo lwakwe Solomoni 3:6

Uzye aweni wi akufuma mu lwanga kwati mvumba ya cunsi, ala cikuleta cinunu cisuma cakwe mule ni ca ubani ivyapangilwa ni vya cinunu cisuma vya aculuzi?

Mateo 1:18

Kuvyalwa kwakwe Yesu Klistu kwali ndi vii. Maliya uwali nyina, wataisiwe na Yosefu, lelo lino yatali ikale nawe, wazanyilwe ni ndilwa iyacisilwe kupitila mu maka ya Mupasi Wamuzilo.

Mateo 2:10

Lyene lino yalola lutanda, yazanga cuze.

Mateo 12:46

Lino Yesu acili vwanga kwi umba, nyina na ina yakwe yafika iimilila panzi, ala yakulonda kuti yavwange nawe.

Yoane 19:39

Nikodemo, wino nkolelo waile kuli Yesu usiku, nawe waileko pamwi na Yosefu. Ala asenzile vya mununko usuma, mulembo mule uminkane na aloe, kulingana na yalita ikumi.