Mateo 2:1 - Amazwi Yakwe Leza 2013

¹ Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.

Mateo 2:1 交叉參考

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Yoane 7:42

Uzye malembelo yatati Katuula alafuma mu mupanda wakwe Davidi, mu Betelemu, musumba muno Davidi wikalanga?”

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Mateo 2:5

Nao yamwasuka yati, “Mu Betelemu musumba uwamu Yudeya, pano avino kasema walemvile ati,

Mateo 1:25

Lelo Yosefu atamumanyile suka pacisila ca kuvyala mwana umonsi, nga nawe amutemela zina ati a Yesu.

Luka 2:15

Walanga lino angeli yaswilila kwiyulu, yakacema yavwanzyanya aine onga yati, “Tuini ku Betelemu tukalole cintu cii cati cicitika, cino Mwene watatumanyisya.”

Luka 1:5

Mu manda yakwe Helodi umwene wa Yudeya, kwali simapepo umwi izina lyakwe a Zakaliya, uwamu mpuka yakwe yasimapepo yakwe Abiya. Nu muci nawe kwene wali uwamu luko lwakwe Aloni, izina lyakwe a Elizabeti.

1 Yamwene 4:30

Solomoni wali uwamano ukuluta antu yamano yonsi aku ufumondaka, nu ku Eguputo kwene.

Utandiko 25:6

Lelo lino atali kuti afwe walanga wapaatula vyuma vimwi apeela ku ana amu aci yauze. Lyene ayafuntusya kuli Isaki ayatuma ukuya ikala ku mpanga yaku ufumondaka.

Mateo 2:19

Lino Helodi wafwa, mungeli wa Mwene aloleka kuli Yosefu mu ciloto ku Eguputo.

Mateo 2:3

Lino mwene Helodi wacuvwa, wene pali pamwi na amu Yelusalemu yonsi yasakamikwa.

Utandiko 10:30

Mpanga muno yatenzi ukufuma ku Mesya ukuya ku Sefali mu ncende ya myamba yaku ufumondaka.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Utandiko 41:8

Lino kwaca katondo Falao asakamala cuze. Caleka aama amamanyamano na antu yamano yonsi amu Eguputo nga ayalotwela viloto, lelo kutali nanti wenga wakuti angilula muno viloto viile.

Yakapingula 17:7

Kwali kweneko umulumendo umwi umwina Levi uwamu mutundu wakwe Yuda. Wene wafumile ku Betelemu mu mpanga yakwe Yuda.

Mateo 2:7

Lyene Helodi aama antu yamano yalya kumbali ayauzya ningo mu nkama insita lino lutanda lwalolike.

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

1 Milandu 2:51

Salima uwali a isi wakwe Betelemu, na Halefu uwali a isi wakwe Beti Gadeli.