Mateo 19:4 - Amazwi Yakwe Leza 2013

⁴ Yesu nawe aasuka ati, “Uzye mutawelenga vino pa utandiko Leza wayaumvile umonsi nu mwanaci?

Mateo 19:4 交叉參考

Utandiko 2:23

Lyene umonsi avwanga ati, “Ndakai, wii ifupa ukufuma ku mafupa yane nu munyefu ukufuma ku munyefu wane. Amaamwangwa ‘umwanaci,’ pano wapangwa ukufuma ku monsi.”

Utandiko 1:27

Avino Leza waumvile umuntu mu cata cakwe. Leza wayaumvile umonsi nu mwanaci.

Utandiko 5:2

Wene wayaumvile umonsi nu mwanaci nga ayapolelela. Lyene ayatemela izina ati, “Antu.”

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Luka 10:26

Yesu nawe amuuzya ati, “Uzye malembelo yakati uli? Uzye ukauvwa uli ndi wawelenga?”

Utandiko 2:18

Lyene Yawe Leza avwanga ati, “Cisi cisuma kuti umuntu aikala wenga. Caleka namamuumbila alingine na aliwe kuti yaazwana.”

Mateo 22:31

Pamulandu wa kuzyukuka kwa afwe, uzye mutawelenga vino Leza wavwanga kunomuli?

Mateo 12:3

Yesu nawe aasuka ati, “Uzye mutawelenga cino Davidi wacisile lino wene na antu yano wali nao yuvwile inzala?

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Mako 2:25

Yesu nawe aasuka ati, “Uzye mutawelenga cino Davidi wacisile lino wene na antu yano wali nao yulilwe nupya yuvwile inzala?

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Luka 6:3

Yesu nawe aasuka ati, “Uzye mutawelenga cino Davidi wacisile lino wene na antu yano wali nao yuvwile inzala, nupya yulilwe?

Mateo 21:6

Alondezi yapita, yaya yacita vino Yesu wayanenyile.

2 Milandu 24:3

Simapepo Yeoyada uwalondile umwene Yoasyi aci yaili, nga yamuvyalile ana aonsi na anaci.