Mateo 16:8 - Amazwi Yakwe Leza 2013

⁸ Yesu wamanyile cino yalanzyanyanga, caleka ayauzya ati, “Mwe ya utailo unono, uzye pacani mukulanzyanya pamulandu wakuti musi na mukate?

Mateo 16:8 交叉參考

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Mateo 14:31

Lilyo kwene Yesu atambika ikasa amulema. Alino amunena ati, “We wa utailo unono, uzye pacani watwisika?”

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Mateo 16:7

Nao yalanzyanya aisikulu yati, “Akuvwanga cii pano tutasenzile mikate.”