Mateo 16:13 - Amazwi Yakwe Leza 2013

¹³ Lyene lino Yesu wafika ku mpanga yapalime ku musumba wa Kesaliya Filipi, auzya alondezi yakwe ati, “Uzye antu yakati Mwana wa Muntu aweni?”

Mateo 16:13 交叉參考

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Yoane 5:27

Isi wamupeela insambu yakupingula milandu pano wene Mwana wa Muntu.

Mateo 9:6

Nkasi musininkizye ukuti Mwana wa Muntu ali na maka muno nsi akwelela amaifyo.” Lyene avwanga ku cite ati, “Katuka, nyemula icintamba cako pitanga ukwako.”

Mateo 13:37

Nawe ayanena ati, “Wino uwatile imbezu zisuma, Mwana wa Muntu.

Mateo 12:8

Pano Mwana wa Muntu wakwata maka akupingula vya kucita pa Sabata.”

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 7:56

Ayanena ati, “Lolini! Nalola iyulu ililekuka nu Mwana wa Muntu aimi kwi kasa lilunji lyakwe Leza!”

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Mako 10:45

Pano Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mateo 15:21

Lyene Yesu afuma ku cifulo cici aya ku mpanga ya mupipi ni misumba ya Tuli na Sidoni.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Mateo 12:32

Wino wensi alavwanga mazwi aipe pa Mwana wa Muntu angelelwa. Lelo wino wensi alavwanga mazwi aipe pali Mupasi Wamuzilo wene atalelelwa, ndakai ni nsita ikwiza.

Yoane 3:14

Wakwe vino Mose wasamike inzoka ya mukuwa pa cimuti mu lwanga, avino nu Mwana wa Muntu ali nu kusamikwa pa cimuti

Yoane 1:51

Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”