Mateo 14:9 - Amazwi Yakwe Leza 2013

⁹ Cii, calenzile mwene kuya nu ulanda cuze. Lelo pamulandu wa mulapo wakwe uno wacisile pa manso yakwe yao amilwe ku cimulo, apeela ilamulo ku yaomvi yakwe kuti yapeele mwana cino akulonda,

Mateo 14:9 交叉參考

Luka 13:32

Yesu nawe ayanena ati, “Pitini mukanene nkusa wiyo muti, ‘Nkufumya mipasi yankota nu kupozya alwale ilelo na mutondo na pa wanda walenga yatatu ndamalila kuomba.’

Mako 6:26

Cii, calenzile mwene kuya nu ulanda cuze. Lelo pamulandu wa milapo yakwe ino wacisile pa manso yakwe yao amilwe ku cimulo, atakanyile kumupeela cino walenzile.

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Mako 6:14

Lyene mwene Helodi auvwa vintu vii vyonsi, pano impwelo ya pali Yesu yalanga yati salangana konsi. Antu yamwi yavwanzile yati, “Yoane Kawatizya watazyukuka kufuma ku afwe. Acino akwatile na maka akucita ivinjelengwe.”

Mateo 14:5

Helodi walondanga kukoma Yoane, lelo oofile Ayuda pano yene yataile vino Yoane akasema.

Mateo 14:1

Mu manda yalya, Helodi kateeka uwamu Galile uvwile mpwelo ya pali Yesu.

Kasambilizya 5:2

Mwatala mwelenganya lino mutali muvwange, nupya mutazakantika lino mukulaya kuli Leza. Leza wene waya umwiyulu. Lelo mwemo mwaya umu nsi. Acino mutalanda ivingi ukuluta pali vino mungacita.

1 Samueli 28:10

Lyene Saulo alapa umulapo ati, “Nalapa umwi zina lyakwe Yawe waumi ukuti wemo utalavunukwa apakucita ci.”

1 Samueli 25:22

Alino Davidi alapa nu mulapo ati, “Si Leza andye, ndi cakuti lino ilanzi litacili litunke, namasya umwana umonsi uwamu antu yakwe asyale akufuta!”

1 Samueli 14:28

Lyene icita cimwi umu asilika cimunena citi, “So Saulo watatupeela ilamulo nu mulapo, ati, ‘Citipu ciye pa muntu ali wensi wino amalya icakulya ilelo!’ Nupya uli mulandu uno antu yaa yali ni nzala iyakulya umuntu.”

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

Yakapingula 21:1

Lino aina Izlaeli yakongine ku Mizipa, yalafile yati, “Kutalaya nanti aumwi uwa munotuli uwakuti akatwalizye umwana umwanaci ku mwina Benjamini.”

Yakapingula 11:39

Pacisila ca myezi iili, awela kuli isi nga nawe amucitila wakwe vino walafile nu mulapo. Wene wali umukazyana atatala wamanya umonsi. Ukwafuma nu lutambi lwa ina Izlaeli

Yelemiya 44:25

Yawe Wamaka yonsi, Leza wa ina Izlaeli akuti, ‘Mwe yamangu mwe, vino mwalaya apatunwa twinu mufwile mwavicita ni minwe yinu. Mukavwanga ndi vino mulafikilizya ivilayo vino mwalaya, ivyakocela Namwene wa Mwiyulu ubani, nu kumwitulwila uwila wa vyakumwa!’ Aleni fwandi mwalukuwaka ivilayo vinu nu kumwitulwila uwila wa vyakumwa!

Mateo 14:8

Lyene nyina anena mwana ati, “Yanga kamulenge uti, ‘Umpeele ndakai kwene umutwe wakwe Yoane Kawatizya pa mbale.’ ”

Mateo 14:10

nga yaya mu ng'anda yaminyololo, yaputula umutwe wakwe Yoane.