Mateo 13:54 - Amazwi Yakwe Leza 2013

⁵⁴ aya ku musumba uwa kumwao. Alino atandika kusambilizya antu mu ng'anda ya mapepo. Lyene onsi yazunguka cuze yuzyanya yati, “Uzye aukwi kuno umuntu wii wafumya amano yaa, nga na maka yakucita vinjelengwe?

Mateo 13:54 交叉參考

Mateo 7:28

Lino Yesu wamala kuvwanga vintu vii, maumba yazunguka misambilizizye yakwe.

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

Yoane 1:11

Wizile ku mpanga yakumwao, lelo antu akumwao yatamuzengile.

1 Samueli 10:11

Lino antu yonsi amumanyile mpiti vino waya yalola ukuti nawe kwene akusema wakwe yakasema, iyuzyanya iyati, “Mwe! Uzye icani cii cino cacitikila umwana wakwe Kisyi? Uzye kuli kuti Saulo nawe kwene aumwi pali yakasema?”

Luka 2:47

Onsi amuvwile yazunguka pa kwaasuka kwakwe kwa mano.