Mateo 13:41 - Amazwi Yakwe Leza 2013

⁴¹ Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Mateo 13:41 交叉參考

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

Mateo 13:49

Mu musango uli onga avino cilaya pa wanda wa mpelelekezyo ya nsi. Angeli yalafuma kwiyulu, nu kupaatula antu aipe ku antu aololoke,

Mako 13:27

Alatuma angeli mu ntunga zini zya nsi ku kukolonganika asololwe yakwe Leza kufuma ku mpela yonga ya nsi kufika nu ku yuze kwene.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Zefaniya 1:3

Ndonona antu ni nyama kwene. Ndonona ivyunyi vyamu lwelele nga ni nswi zyamuli yemba. Antu aipe ndayawisya. Ndonona mitundu ya antu kuti patakasyale umuntu nanti wenga pano nsi. Avino Yawe wavwanga.

2 Samueli 23:6

Lelo antu asyacindika Leza yakoline ni myunga ino yasumbwa. Kusi umwi angezya ukuivuta ku minwe.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”