Mateo 13:21 - Amazwi Yakwe Leza 2013

²¹ Lelo yasiingila nu kwika misisi mukasi ka myenzo yao, nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza lilyo kwene yanenuka.

Mateo 13:21 交叉參考

Mateo 11:6

Alongo ayao asikuntwisika.”

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Mapinda 12:3

Umuntu asiulwa kuteletenta apakucita iifyo, lelo umufula wakwe yakacita ya vyaololoke wazyansya ndi.

Yobo 19:28

Uzye sweswe tukumucuzya, asi mwakufisama sile, umweneco wailetelela sile!

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

2 Timoti 1:15

Wamanya ukuti cila muntu mu muputule wa mpanga ya Asiya wansoloka, maka maka Figelo na Hemogenesi.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Galatiya 6:12

Antu yano akwezya kumupatikizya kusilamulwa yakailanga nu kuitasya. Nupya yakacita vii pakuti yatazunyiwa pamulandu wakukosola vya pa lupanda lwakwe Klistu.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Yoane 6:26

Yesu aasuka ati, “Cumi namunena nati musikundondela pamulandu wakuti mwaweni vilangililo, lelo pamulandu wakuti mwalile mikate mwikuta.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Mako 4:17

Lelo yasiingila nu kwika misisi mukasi ka myenzo yao nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza, lilyo kwene yanenuka.

Mateo 26:33

Alino Petulo avwanga ati, “Nanti yonsi yalakufutatila pamulandu wakwe vino vilakucitikila, nemo ntalacicita.”

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Mateo 13:57

Alino yamukana. Yesu ayanena ati, “Kasema asyacindikwa ku mpanga ya kumwao nu ku amu ng'anda yakwe, suka kusi kumwao.”

Mateo 13:6

Lyene lino ilanzi lyasanzama nu kuwala, ilyoca ivimelwa navyo vyuma, pano misisi itingile pansi.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Mapinda 12:12

Ing'anda isuma yi lali ikaononeka uku aipe, lelo umufula wa muntu musuma usitengana.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

2 Timoti 4:10

Demasi wene watemwa ivyamu nsi nupya wamfutatila, waya ku Tesalonika. Klesensi wene wapita ku Galatiya, Tito nawe ku Dalamatiya.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Mateo 13:20

Imbezu izyaponile pa lwala, ayao yano ndi yuvwa mazwi yakwe Leza yayapokelela nu luzango.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.