Mateo 11:25 - Amazwi Yakwe Leza 2013

²⁵ Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 11:25 交叉參考

Mateo 21:16

Alino yuzya Yesu yati, “Uzye ukuuvwa vino ana yaa yakuvwanga?” Yesu nawe aasuka ati, “Ee. Uzye mutawelenga mu malembelo vino Leza wavwanga ati, ‘Watusambilizya ana anono nga nu tunya tukoonka kukulumbanya cifumaluke.’ ”

Masamu 8:2

Utwance kumwi nu twana twa kwiyele nato kwene tukakulumbanya. Waikuulila ilinga lya maka pamulandu wa anisi yako. Alino nu kucincintila anisi yako yonsi kumwi na yayo akutalamila.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

2 Kolinto 3:14

Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

Milimo 17:24

Leza uwaumvile insi na vyonsi ivyayamo, ali mwine wi yulu ni nsi, nupya asyaikala mu ng'anda yakulwa na antu.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Luka 22:42

“Tata, ndu kasi sisya lwako luu lwa ucuzi kunondi. Kusi kulonda kwane, lelo kulonda kwako kucitike.” [

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!

1 Milandu 29:13

Acino lyene, we Leza witu, tukukutaizya, nu kulumbanya izina lyako ilyalulumbi.”

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Yobo 37:24

Fwandi antu yafwile ukumoopa. Na antu yamano yonsi yamucindikisye.”

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Yoane 12:28

Tata, langa antu yonsi lulumbi lwi zina lyako!” Alino izwi lifuma mwiyulu liti, “Nati ndangizya antu lulumbi lwane nga ndacita cii nupya kwene.”

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.