Mateo 10:5 - Amazwi Yakwe Leza 2013

⁵ Lino Yesu watuma atumwa ikumi na yaili ayapeela amalamulo ati, “Mutaya ku Akulukuwa nanti ukwingila mu musumba uli onsi uwa ina Samaliya.

Mateo 10:5 交叉參考

Yoane 4:9

Umwanaci uwaku Samaliya amunena ati, “Wemo wewe Muyuda nga nani nene Musamaliya. Uzye lyene ungalenga uli manzi kunondi?” (Pano Ayuda yasyamwela mu ngako zino Asamaliya yakamwelamo.)

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

Luka 17:16

Lyene afukama pansi nkolelo yakwe Yesu, amutaizya. Muntu wii, wali u Musamaliya.

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Luka 9:2

Lyene ayatuma ku kukosola vya Wene wakwe Leza nu kupozya alwale.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yoane 7:35

Alino intunguluzi zya Ciyuda izyuzyanya ziti, “Uzye umuntu wii alaya kwi, kuno tutalamuzana? Uzye alaya ku misumba yaku Akulukuwa kuno antu itu yamwi yakaikala, kuti akasambilizye Akulukuwa?

Yoane 4:5

Lyene afika ku Sika muzi uwaku Samaliya, pipi ni calo cino Yakobo wapile Yosefu mwana wakwe.

Luka 10:33

Lelo lino Musamaliya umwi uwapitanga mu museo ulya wiza apali umuntu, amulola, nga aya na mizu.

Mateo 4:15

“Mpanga ya Zabuloni ni mpanga ya Nafutali ulunga na yemba, mbalama yuze ya luzi lwa Yodani, Galile mpanga ya Akulukuwa!

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Yoane 4:20

Vikolwe vitu vyapepanga Leza pa mwamba uu, lelo mwe Ayuda mukalanda ukuti, Yelusalemu ali cifulo sile ukwa kupepela Leza.”

Luka 10:1

Pacisila cakwe cii, Mwene wasolwile antu nayauze makumi cinimbali na yaili, nu kuyatuma yaili yaili, kuti yamukolelele ku misumba nu ku mpanga yonsi kuno umwisikulu wali pipi nu kuyako.

Mateo 22:3

Alino atuma aomvi yakwe kuli yano amilwe, ku kuyanena kuti iize ku cimulo ca winga. Lelo nao yakana kwiza.

Mako 6:7

Lyene aama alondezi ikumi na yaili kunoli ayatuma yaili yaili, ayapeela maka akufumya mipasi yankota.

Luka 9:1

Yesu aama alondezi ikumi na yaili pali pamwi, nga ayapeela maka akufumya mipasi yankota yonsi nu kupozya indwala.

Yoane 17:18

Ndi vino wantumile mu nsi, avino nani nayatuma.