Mateo 10:1 - Amazwi Yakwe Leza 2013

¹ Yesu aama alondezi yakwe ikumi na yaili, ayapeela amaka akufumya mipasi yankota nu kupozya indwala zya misango yonsi nga ni ndema.

Mateo 10:1 交叉參考

Luka 10:19

Uvwini! Namupeela amaka akulyata pa nzoka na makalela nu kucimvya maka yonsi yakwe Ciwa mwanisi, nga mutalazanzwa.

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Luka 6:13

Lino kwaca aama alondezi yakwe yonsi nga muliyo asolola ikumi na yaili, ayatemela ati, “Atumwa.”

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Milimo 19:15

Lelo umupasi wankota uyavwanzya uti, “Namanya Yesu, namanya ni vya pali Paulo, nga mwemo mwemwe yaweni?”

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 6:70

Yesu nawe avwanga ati, “Uzye ntamusolwile mwemwe ikumi na yaili? Lelo wenga uwa munomuli wene u Musomvi.”

Yoane 3:35

Isi watemwa Mwana wakwe, nupya wamupeela maka pali vyonsi.

Umbwilo 12:1

Nupya mwiyulu mwalolike cimanyililo cikulu. Mwalolike umwanaci wino cizwalo cakwe cali ilanzi. Mwezi wali pisika lya ngazo zyakwe, na pa mutwe wakwe pali ingala ya wene ya ntanda ikumi na zili.

Mateo 26:47

Walanga lino Yesu acili vwanga, Yuda, wenga uwamu alondezi ikumi na yaili, afika. Wali ni iumba likulu ilyasenzile mpanga ni zya ntuwa, ala yatumilwe na yasimapepo akalamba na aikolo amu Ayuda.

Mateo 26:20

Lyene lino kwaya manguzi, Yesu aikala nu kulya pa cipango pamwi na alondezi yakwe ikumi na yaili.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mateo 9:38

Caleka pepini ku mwine wa uzombozi kuti atume aomvi nayauze ku uzombozi wakwe.”