Masamu 99:9 - Amazwi Yakwe Leza 2013

⁹ Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Masamu 99:9 交叉參考

Luka 1:49

pano Leza Wamaka yonsi watancitila vintu vikulu. Izina lyakwe Leza ilya muzilo.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 5:16

Yawe Wamaka yonsi akalanga ucindami wakwe umu vintu ivilungame vino akacita. Leza wamuzilo alalanga usuma wakwe umu kucita ulungami ku antu yakwe.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Masamu 99:5

Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!

Masamu 99:3

Yonsi yakamulumbanya, pano wacindama nupya uwalulumbi, icacumi wene uwamuzilo!

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Masamu 132:7

“Tuini katwapita uku cifulo uku kaikala Yawe. Tuini tukamupepe apa nkolelo ya cilimba cakwe, ica wene.