5 Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!
“Tuini katwapita uku cifulo uku kaikala Yawe. Tuini tukamupepe apa nkolelo ya cilimba cakwe, ica wene.
Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?
We Leza, ilange kuko kuno waya ukwiyulu. Leka nu ucindami wako uloleke pano nsi ponsi!
Katuwanzizye capamwi ukulu wakwe Yawe, katumulumbile ca pamwi!
Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.
We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.
Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.
Yonsi yakamulumbanya, pano wacindama nupya uwalulumbi, icacumi wene uwamuzilo!
Wewe, uli Leza wane acino nakutaizya. Wemo awewe Leza wane, nemo namakulumbilizyanga.
Fwandi yafwile yalazya ululumbi lwakwe Yawe ukwi uvi mu kumulumbilizya ukwi tengo lya makombe.
Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!
Twakulumbanya we Yawe, katuka na maka yako! Tulaimba nu kulumbanya amaka yako.
kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.
Alino umwene Davidi aimilila nga avwanga ati, “Nguvwini, mwe inane na mwe antu yane. Nemo nelenginye ku kuula ng'anda yakusungilamo Mbokosi ya Upangano yakwe Yawe, ino ikoline wa cilimba ca ngazo cakwe Leza witu. Nga netetwile ivya kuipanga.
Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.
