Masamu 97:10 - Amazwi Yakwe Leza 2013

¹⁰ Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Masamu 97:10 交叉參考

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Masamu 145:20

Yawe akawaka yonsi amutemwa, lelo yakaifya yonsi yene akayalovya.

Masamu 34:14

Tiini ukucita iviipe, mwacita sile ivisuma. Mwatemwa ukwikala umu longo, nu kwikala kwene avino mwikale.

Yelemiya 15:21

Ndakutuula ku makasa ya aipe nupya akakate.”

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

2 Tesalonika 3:2

Pepini kuti Leza atutuule ku antu ankota na aipe pano asi yonsi akataila Ilandwe.

Mapinda 2:8

Akawaka inzila zya aololoke nu kucingilila yao ataila munoli.

Masamu 31:23

Si mwalukutemwa Yawe, mwe aswepe yakwe mwensi. Yawe akawaka aufuma cumi, lelo wene akavunuka antu acilumba.

1 Yoane 5:18

Twamanya ukuti kusi umwi uwamu ana yakwe Leza wino angatwalilila kwifya, pano Yesu Mwana wakwe Leza akamusunga. Mwipe wilya atanga yacitila iciipe.

1 Yoane 4:19

Swemo tukatemwa pano Leza uwatandike ukututemwa.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Danieli 6:27

Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Kolinto 8:3

Lelo Leza wene asyatwisika umuntu wino wamutemwa.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Masamu 125:3

Amauteko aipe yatalatala yatwalilile lyonsi ukuteeka impanga ya antu aololoke, pano ndi cali vivyo, aololoke yangasuka yaifye.

Masamu 119:163

Napata nu kusoka intumpu, lelo natemwa amasunde yako.

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Loma 7:24

Owee! Ne mulanda! Uzye aweni amankulula ku mwili uno ukuntwala ku mfwa?

Loma 7:15

Na cino nkacita ntacimanya ningo pano nsicita cino nkasi kucita, lelo cino napata acino incita.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Masamu 119:104

Inkalonka amano ukufuma uku masunde yako, ali cino fwandi napata ni misango iipe yonsi.

Masamu 101:3

Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Masamu 121:7

Yawe alakucingilila uku mazanzo yonsi, alawaka umi wako.

Amosi 5:14

Mwike imyenzo inu pa visuma asi pa viipe awe, kuti muye nu umi. Lyene Yawe Wamaka yonsi alikala namwe lyonsi, ndi vino mwavwanga ukuti avino waya.