6 Ululumbi nu luswepo vyamulilizya, na maka nu kuyemba vyaya mu Ng'anda yakwe.
Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.
Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.
Ululumbi nu usambazi vimuzingulwike, amaka nu luzango vili mu wikalo wakwe.
Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.
Ukufuma uku Zioni, wawala nu usuma umwi uwacipezya mano.
Izwi lyakwe Yawe likusunkanya imiti, imisufi, likuleka na mafwa ukupululuka, icakuti mwi sano lyakwe yonsi yakupunda iyati, “Kawala Musambazi!”
Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.
Amayulu yakalanda apa lulumbi lwakwe Leza, Ulwelele lukaalazya apa lwalala vicitwa vya minwe yakwe!
We Yawe, Mwene witu, iye mwe vino izina lyako lyacindama pano nsi ponsi! Ucindami wako wafika na pi yulu apapela.
Umwenzo wane ulaikuta, ndaimbila ni nyimbo zya luzango izya kukulumbanya.
