2 Imbilini Yawe, lumbanyini izina lyakwe! Cila wanda landini iviziipe vya ufyusi witu!
Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.
Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.
Insyakutala mfise amazwi akuti wemo ukapususya. Lyonsi sile nkavwanga apamulandu na ucumi wako nu wazwilizyo wako. Umwi uvi lyako, nsiikala cele, apamulandu nu kutemwa kwako ukwa muntaputuka. Na pali ucumi wako, nkavilanda penepo umwi uvi lya antu yako ilikalamba.
Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”
Namalandanga ukulu wako, we Yawe Leza wane, nupya ndalumbanya ni zina lyako amanda yonsi.
Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”
Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.
“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!
We Yawe, iviumbwa vyako vyonsi vilakulumbanya, na yayo akufukilila yalakutaizya.
Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.
Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.
Namakutaizyanga amanda yonsi, nu kulumbanya izina lyako pe na pe.
