2 Katuye kunoli, tumufukamile, tumulumbanye ni nsansa umu nyimbo ni ngoma.
Izini mwingile mu mpongolo zyakwe nu kutaizya, mwasansamuka umu nyimbo apa kwingila mu musolo wakwe. Si mungala mwamutaizya nu kulumbanya izina lyakwe!
Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.
Mwimbilini, mwimbilini amalumbo, mwalazye ivipezyamano vyakwe vyonsi!
Uzye namatwalila Yawe cani, lilyo lino nkuya ku kukupepa Leza Wapapela? Uzye namamutwalila ana ya ng'ombe amwaka onga kuti nkamutuulile amawila akoca?
Mwamupepa Umwene nu luzango, nupya mwize kunoli ni nyimbo zya kuzanga!
Katuka, we Yawe, ulungatane nayo nu kuyacimvya! Ntuule uku mwipe nu lupanga lwako.
Uzye munomuli muli umwi ali mu ntazi? Wene alinzile kupepa. Uzye kuli umwi watazanga? Wene alinzile kwimbila nyimbo zya kulumbanya Leza.
Leka imitundu yonsi iya antu ikongane panuli, ikulizizye, nga nawe wikale apapela uwayateeka.
Saulini ulwimbo, mwalizya nu tungoma. Insawa zilile ningo ni zeze
Umililini Yawe utupundu mpanga yonsi, mupongomoke mupunde ni nsansa.
