Masamu 94:7 - Amazwi Yakwe Leza 2013

⁷ Yene yakavwanga yati, “Yawe asitulola foo, Leza wakwe Yakobo asimanya nanti cimwi!”

Masamu 94:7 交叉參考

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Ezekelo 8:12

Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Masamu 59:7

Kutika uuvwe vino yakuwata! Indimi umu tunwa twao zyakalipa wa malupanga. Yene yakuti sile, “Ale, nga amatuvwa aweni?”

Ezaya 47:10

“Wemo utakwatanga insonyi apa kwifya, pano welenganyanga ukuti kusi nanti wenga wino akukulola. Amano yako nu ucenjezi wako vyakupumbozile, nga uivwanzya umu mwenzo uti, ‘Anene nenga mpo, kutaya namuze wakwe nene, awe.’