Masamu 94:1 - Amazwi Yakwe Leza 2013

¹ We Yawe, awewe Leza akavunuka, fwandi langa ukali wako!

Masamu 94:1 交叉參考

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”

Yelemiya 50:28

Imbutusi zino zikupuuka mu mpanga ya Babiloni nu kwiza mu Zioni, azizyo muzyuvwe kuno zikulanda vino Yawe wanenyile aina Babiloni, pali vino yacisile ku Ng'anda ikulu yakwe Leza.

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Masamu 50:2

Ukufuma uku Zioni, wawala nu usuma umwi uwacipezya mano.

2 Yamwene 9:7

Uce ukome umwene, umwana wakwe Aabu, pakuti ince impezye namwene Yezebele apa kukoma yakasema na aomvi yane.

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.