Masamu 91:2 - Amazwi Yakwe Leza 2013

² alanena Yawe ati, “Wewe uli cele lyane, muno nkauwa! Wewe Leza wane wino nataila.”

Masamu 91:2 交叉參考

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Masamu 142:5

Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 71:3

Uye Ciliwe cane umwakuzinamo, muno nkapusukila kwati indi umwi linga lya maka. Wemo awewe nkazinamo, nupya awewe ukancingilila kweneko.

Masamu 14:6

Yakaifya yakavulunganya amapange ya antu apina, lelo Yawe ali kacingilila wao.

Masamu 91:9

Wemo Umwene aliwe akakupususya, a Leza mukulu ali wino wemo ukazina mwenemo.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Masamu 48:14

“Muu, umwaya Leza witu uwa pee na pee, ali katungulula witu uwa manda na manda, umuyayaya.”

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Luka 20:38

Wene asi Leza wa afwe, lelo a Leza wa antu aumi. Pano kunoli antu yonsi aumi.”

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Masamu 43:4

Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Masamu 18:3

Nkalaizya kuli Yawe, wiyo uwalinga ukulumbanya, nga nawe akantuula ku anisi yane.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 31:15

Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 46:2

Ali cino fwandi, insi nanti ingatengana, swemo tutangetoope, nanti sile imyamba ingakunkulukila umu maziya yakwe yemba,

Masamu 61:5

We Leza, ala ivilayo vyane watuvyuvwa, nupya watumpela ni vyaupyanyi vyakwe yalya kwene akakucindika.

Masamu 142:6

Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.