Masamu 91:15 - Amazwi Yakwe Leza 2013

¹⁵ Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Masamu 91:15 交叉參考

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Masamu 23:4

Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Yoane 16:32

Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Masamu 37:40

Umwene akayapususya nu kuyavwa, akayatuula, pano kuli aliwe akuno yakazina.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Ezaya 58:9

Lyene mulati ndi mwangama ndaasuka. Mulaapunda izina lyane nani ndaasuka inti, ‘Apano ndi.’ Ndi cakuti mwata ukutwika auzo ikoli, mwata nu kusontana iminwe, mwata nu kulanda ivintu viipe pali alio,

Yoane 12:43

Yene yatemilwe kulumbanyiwa na antu kuluta kutasiwa na Leza.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Yobo 12:4

Na yacuza yane kwene yakunseka. Nanti angala napapasile kuli Leza nga nawe angasuka, nene wakaele, uwaula umulandu ku muntu, lelo yakanseka.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”