Masamu 9:6 - Amazwi Yakwe Leza 2013

⁶ Anisi yatiyapongelela umwi lovyo lya muyayaya. Watuwisya imisumba yao na mazina yao yatiyalowa.

Masamu 9:6 交叉參考

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Kufuma 14:13

Mose aasuka ati, “Awe mutoopa! Posyini, mumalola vino Yawe amacita ilelo pakuti atutuule, mutalatala mulole aina Eguputo yaa nupya.

Umbwilo 20:2

Alino alema cizoka ca mpiti, kuli kuti Satana nanti Ciwa nu kumunyepa kulingana ni myaka izimbi lyonga.

1 Kolinto 15:26

Nu mwanisi uwa kusyalikizya kucimviwa alaya imfwa.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Ezaya 14:17

Uzye asi aliwe wasangwile insi amapooli, nu kupasa imisumba nga akana nu kufumya iminyololo ku azya?

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Masamu 8:2

Utwance kumwi nu twana twa kwiyele nato kwene tukakulumbanya. Waikuulila ilinga lya maka pamulandu wa anisi yako. Alino nu kucincintila anisi yako yonsi kumwi na yayo akutalamila.

Masamu 7:5

lyene nkuti kayanzinganye yandeme, yamfwante nu kundyatola pansi yankome, yavumvunye na mala yane umu masenga.

2 Yamwene 19:25

Yawe atwalilila ukuvwanga ati, “Uzye utatala uvwa ukuti ne Yawe nateyanya vii vyonsi mpitimpiti? Anene kwene nafikilizya na pali ndakai kwene. Anene nakupeela amaka akulwisya imisumba yonsi iya malinga apakuti isyale sile imitumba ya vitantala.

1 Samueli 31:7

Lino aina Izlaeli ali ku lusansa luze ulwa cifoloma nga na yao ali ku mbalama yuze iya Luzi lwa Yodani yalola ukuti aina Izlaeli yauze yapuuka nu kuti Saulo pamwi na ana yakwe yatiyafwa, awe nayo kwene pali pakusama umu mizi yao. Aina Filisti ayano yiiza yapyanikila mwenemo iyaikala.

1 Samueli 30:1

Davidi na antu yakwe yaile iyafika ku Zikilagi pa wanda uwalenga yatatu. Pa nsita ilya walanga aina Amaleke yatiyazanza incende ya Negebu nu musumba wa Zikilagi. Yene yosile umusumba wa Zikilagi nu

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Yobo 18:17

Pano nsi napo, pataya nanti wenga uwa kumwiusya. Ni zina lyakwe mpaka liponge, litakawele umu ng'anda ili yonsi muno nsi.

Masamu 34:17

Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.

Ezaya 26:14

Pali ndakai lyene yafwa yonsi, nupya yatalatala yayeko. Imipasi yao italatala ikatuke foo, pano awewe wayapezya nu kuyonona. Kusi nanti umwi akaiusya, awe.