Masamu 9:19 - Amazwi Yakwe Leza 2013

¹⁹ Katuka, we Yawe! Utaleka umuntu akusuule! Lolwela ainamasi apa manso yako. Si ule uyapingule

Masamu 9:19 交叉參考

Masamu 3:7

We Yawe, katuka! Nduntuule we Leza wane! Pano ukauma anisi yane umu nzekete. Ukatembola antu aipe.

Masamu 44:26

Katuka utwazwe! Tupususye pano uluse lwako ulwa pee.

Masamu 44:23

Sizyuka, we Yawe! Icani fwandi cino walalila utulo? Katuka! Utatutazyela.

Masamu 10:12

Katuka, we Yawe, uvunuke antu yaya aipe! Iusya yayo akucululuka!

Masamu 7:6

Katuka, we Yawe, ni cipyu cako. Nkuti katuka we Leza wane! Lwisya ukali wa anisi yane, pano wemo ulungi auno ukalonda kuti yacite.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Masamu 149:7

Ali pakuti yakailandwile aeneco uku inamasi, nu kuvunuka antu ya mitundu yuze.

Masamu 79:6

Sungala usokele antu ya mitundu yuze, yayo asikupepa, na yano yakana uku kuyela,

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Zakaliya 14:18

Umutundu wa ina Eguputo ndi waca wakana ukwiza zevya Cimulo ca Nsakwe, ulaponelwa ni mpungo ino Yawe alaponyezya imitundu ilakana kuzevya Cimulo ca Nsakwe.

Mika 5:15

Mu ukali ni cipyu ndacita icilanduzi apa antu amu nko zyonsi yano yatanjezile.”

Yowelo 3:12

“‘Antu amu mitundu yonsi yaiteyanye nga yize ku Cifoloma ca Yeosafati. Kuku kwene akuli kuno ne Yawe ndapingula antu amu mitundu yonsi ukufuma ku ntunga zyonsi.

Yelemiya 10:25

Twala ukali wako ku antu amu mutundu uno usikupepa, na pa antu yano yakukana. Yene yakoma antu yako. Yene yatonona yatumalilila, nu kusya impanga itu ivitalang'anda.”

Masamu 80:2

Ndu isokolole uku luko lwakwe Efulemu, lwakwe Benjamini nga nu lwakwe Manase! Langizya amaka yako, ndu tutulanye!

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.