34 Nemo ntalatala nonone upangano wane nawe, nanti ukusenuka muli vino ndavwanga.
Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.
Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.
Iyulu ni nsi vitalikalilila manda pe, lelo mazwi yane yene yalikalilila manda pe.
“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.
Pano Leza asyasenuka pali wino wasolola nu kupolelela.
Si ungala wiusye vino watulaya, utatusuula foo. Utazewanya umusumba wa Yelusalemu, umwaya icilimba cako ca wene calulumbi. Utonona upangano wako uno wapangana naswe.
Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.
“Ndi wakwe vikwene vino nemo ningonona upangano wane akasanya nu usiku, apakuti akasanya nu usiku vite ukuombela apa kasita kaviko,
Lelo kwene ntalata ukumuyela uluse, wakwe vino nacisile kuli Saulo, wino nafumizye pa wene kuti we Davidi uye umwene.
Apamulandu wa vintu iviipe vino Solomoni watacita, ndacuzizyamo amu mupanda wakwe Davidi, lelo kwene asi lyonsi foo.’ ”
Nani ndaya isi, nawe alaya umwanane. Ntalatala nte ukumusakamala ndi vino natiile ukusakamala Saulo, wino nafumizye apa wene kuti wewe umupyane.
