Masamu 89:3 - Amazwi Yakwe Leza 2013

³ Wemo wavwanzile uti, “Napangana upangano nu musololwe wane, nalapa uku muomvi wane Davidi inti,

Masamu 89:3 交叉參考

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.

Masamu 89:28

Nani namamukwatilanga uluse lyonsi, nu upangano wane na aliwe umayelelelanga pee.

1 Yamwene 8:16

‘Ukutandika sile lino ne Yawe nafumizye antu yane, aina Izlaeli mu Eguputo, ntatala nasolola umusumba uwa kukuula mwenemo Ng'anda ikulu ya kumpepela mwenemo. Lelo nakusolola wewe Davidi kuti wateeka nu kutungulula antu yane aina Izlaeli.’ ”

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

Ayebulai 7:21

Lelo Yesu lino wingile usimapepo kwali mulapo, lino Leza wamunenyile ati, “Mwene walaya nu mulapo, nupya atanga lapuluka, ‘Wewe simapepo wa manda pe.’”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

2 Samueli 3:9

Lelo ndakai, nkuti we Leza ungazwe, namacita consi cino ningacita kuti mfikilizye vino Yawe walavile nu mulapo ukucitila Davidi.

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Masamu 89:39

Wakana apaswe upangano uno wapangine nu muonvi wako, watusumba ni cilongwe cakwe ica wene umu lukungu.

Masamu 78:70

Nga alino wasolola Davidi umuomvi wakwe, wamufumya uku mulimo wakwe uwakucema imfwele,

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Masamu 89:19

Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.