28 Nani namamukwatilanga uluse lyonsi, nu upangano wane na aliwe umayelelelanga pee.
Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.
Pano imyamba ingasunkana nu twamba tungatenta, lelo icitemwiko cino nakukwatila citalatala cifume kunuli. Nanti sile upangano walongo uno napangana nawe utalatala utelengane foo.” Yayo ali mazwi yano ne Yawe nkukutezela.
Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!
Aliwe akateyanyizizya antu yakwe amukwatila icoopo, icakulya nupya asiilila nanti panono uku upangano wakwe.
Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.
