2 Namalandanga ukuti ukutemwa kwako ukwa muntaputuka nu kuti ukwakwikalilila umuyayaya, nu kutailwa kwako kwasimpa sika wi yulu.
We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.
Kufuma ku nkulo yonga kufika ku yuze akalanga mizu kuli yano akamucindika.
Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.
Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.
Uwene wakwe ulaya uwakuyelelela umuyayaya wa mwezi, kambone wane uwacumi umwiyulu.”
Amwiyulu yakalumbanya ivizungusyo vyako, we Yawe, yene yakalumbanya na ucumi wako, umu ukongano wakwe yayo amuzilo.
Nga lelo apamulandu sile wamizu yako yakulisya, utatazile uyatazyele nanti ukuyonona foo. Wewe mwene Leza wa cikuku na mizu.
wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.
We Yawe, izwi lyako lilayelelela pee, ilya muyayaya umwiyulu.
Ndi vino inswela ikayaseela apa kulonda ukuli amanzi azuke, avino nani kwene nkukulukisya cuze we Leza.
Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.
Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.
Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.
Iyulu ni nsi vitalikalilila manda pe, lelo mazwi yane yene yalikalilila manda pe.
We Yawe nemo namanya ukuti wemo utalatala ute ukundanga amizu! Ukutemwa kwako ukwa muntaputuka na ucumi wako ali vino vimansungililanga pee.
