Masamu 88:15 - Amazwi Yakwe Leza 2013

¹⁵ Ukutandikila uku wance wane, nemo pasi pakucuula, nkupita icipapala mfwa. Muno nkalukuzizimizya pamulandu nu uvunuko wako, ninsuka nintonta, lwatilusila.

Masamu 88:15 交叉參考

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Masamu 73:14

Iye mwe Leza, awewe ukaleka kuti nacula vii umusanya onsi, na cila katondo ukatala uncuzyapo!

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Yobo 17:1

Nemo lyene inkufuteka sile, amanda yane yatiyasila. Akunjimbila imbiko yatiyakongana.

Yobo 30:20

“Acino fwandi, nalila kuno uli lelo kusi ukunjasuka, nimilila pa mulola wako lelo wakana ukundolesya.

Masamu 43:2

Pano awewe Leza, wewe ukancingilila. Nga fwandi icani cino ungantazyelela? Cino ningapita umukungumale icani, pamulandu sile wa anisi yane?

Masamu 44:25

Yati yatufwantola pansi, iyatucimvya, tulambalile umu lukungu.