Masamu 86:8 - Amazwi Yakwe Leza 2013

⁸ Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.

Masamu 86:8 交叉參考

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Malango 3:24

‘Yawe Simwandalali, namanya ukuti watandika ukulangilila ne muomvi wako ivintu vimwi ivikulu nupya ivyakuzunguka vino wemo uli nu kucita. Kutaya Leza nanti aumwi umwiyulu nanti pano nsi angacita ivyakuzunguka wakwe vino ukacita.

Masamu 89:6

Uzye aweni umu lwelele wino angakolana nawe we Yawe? Uzye aweni umwiyulu angaya wakwe wewe?

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Masamu 89:8

We Yawe Leza Wamaka yonsi, uzye aweni uwaya na maka wakwe wewe, wemuno watailwa muli vyonsi?

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Ezaya 40:25

Wamuzilo wilya akuti, “Uzye aweni fwandi wino mungakolanyako kuli nene? Uzye kwaya namuze angalingana nani?”

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Ezaya 40:18

Aweni fwandi wino tungakolanyako Leza? Aweni uwamukolako icata?

Masamu 136:4

Leza wenga mpo aliwe akacita ivyakuzunguka, pano luse lwakwe ulwa pe na pee.

Kufuma 8:6

Caleka Aaloni atoola intuwa akonzolola ikasa lyakwe pa manzi yonsi, na yacula iyafuma nga yalimba impanga yonsi ya Eguputo.

2 Milandu 2:4

Nemo natinakuulila Yawe, Leza wane, Ng'anda ikulu yakumucindikila mwenemo, muno antu yakwe pamwi nani kwene tulamucindikila mwenemo. Ali muno tulamufutumwila ubani wa mununko usuma. Alino nupya apa manso yakwe umweneco ali pano manda yonsi tulapeela umukate wamuzilo na mawila yakoca akatondo na manguzi. Umu Masabata nu mu manda makulu, alulumbi, ndi vino apa Ndoleko ya Mwezi, amuno tulatuula vivyo, wakwe muno watuneniile swe ina Izlaeli ukulacita pe na pe.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Masamu 135:5

Namanya ukuti Yawe umukulu, ukuti Mwene witu waluta tuleza tonsi.