Masamu 86:1 - Amazwi Yakwe Leza 2013

¹ Teya amatwi kunondi we Yawe, unguvwe, pano nene mulanda nati mpelelwa.

Masamu 86:1 交叉參考

Masamu 31:2

Teya amatwi kunondi, kalauka ungavwe! Uye Ciliwe cane ni linga lyane ilyakupusukilamo.

Masamu 40:17

We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezaya 37:17

Sungala uvwe amazwi yonsi yaa, yano Senakelibu akulanda apa kusaalula wewe we Leza wa umi.

Masamu 142:1

Nkulaizya izwi lyane kuli Yawe, nkulenga uwazwilizyo. Nkulaizya kuli Yawe, inkupapata.

Masamu 140:12

Namanya ukuti Umwene alapeela akafyengwa insambu, nu lungi uku alanda.

Masamu 119:22

Funtusya panondi umuzewanya nu kusuulwa, pano nemo nkasunga amasunde yako.

Masamu 102:17

Lyene alauvwa ni ipepo lya antu yano watazile atazyela, alata nu kusuula ukupapata kwao.

Masamu 17:6

Apanondi inkukulaizya. Njasuke we Leza. Uteye na matwi kunondi, uuvwe amazwi yane.

Masamu 102:1

We Yawe, uvwa ukwi pepo lyane, uuvwe nu kulila kwane ungavwe

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 25:16

Senukila kunondi, we Yawe, uye na mizu kunondi pano nazukilwa nupya natintemboka.