Masamu 85:6 - Amazwi Yakwe Leza 2013

⁶ Uzye usikutukomelezya nupya, apakuti swe antu yako twakusansamukila?

Masamu 85:6 交叉參考

Habakuku 3:2

We Yawe, natinuvwa vyakulumbuka kwako. We Yawe nupya nuvwa intete. Acino ivicitwa vyako kwene vii, uviswilizye nupya kwene kuti viye vimanyikwe amanda kwene yaa, ivizungusyo vikulu vino wacitanga. Lelo ukwate uluse nanti umu nsita kwene ino watusoka.

Masamu 80:18

Swemo tutalatala tukusangukile foo nupya. Utupususye, utupuputule nga naswe tumakulumbanyanga.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Masamu 90:14

Umu katondo uwatukwatila uluse lwako pee, ulwa muntaputuka apakuti twasansamuka nu kuzanga amanda pe.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 74:1

We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?

Masamu 77:8

Uzye lyene wata ukutemwa? Uzye lyene ulayo wakwe utaciomba?

Yelemiya 3:5

Uzye ungatukwatila icipyu lyonsi pee na pee? Uzye umatwalilila ukusoka umuyayaya? Vivyo ali vino mukavwanga, lelo ukwifya kwene apapa kwene.”