Masamu 84:11 - Amazwi Yakwe Leza 2013

¹¹ Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 84:11 交叉參考

Mapinda 2:7

Wene akaazwilizya antu akacita vyaololoke nupya acumi nu kuyacingilila.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Filipi 4:19

Leza wane umukama cuze, nupya muli Klistu Yesu wene alamupeela vyonsi vino muulilwa.

Masamu 85:12

Umwene amatupeela ivisuma, ni mpanga itu imamezya uzombozi ukulu.

Mapinda 10:9

Umuntu uwakwata icumi asipita mu uzanzo. Lelo wiyo akapita umu nzila ziipe wene alamanyikwa.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Masamu 3:3

Lelo we Yawe, wewe cisyangu cane. Wewe uli ucindami wane, wewe ukampamya.

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mapinda 28:18

Wiyo uwakaele alapusuka, lelo wiyo akatelengana pakasi ka nzila zili, alaponela pansi muli yonga.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Yoane 1:16

Pamulandu wakuvula kwa cikuku cakwe twapelwa upolelelo kulunda pa upolelelo uze.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Masamu 119:114

Wewe uli ncende yane yakuzinamo ni cisyangu cane, nupya nemo nkapaalila umu ulayo wako.

Mapinda 28:6

Umulanda uwa miyele isuma wene waluta umukama uwa miyele iipe.

Mika 2:7

Uzye ukwelenganya ukuti amu mupanda wakwe Yakobo yalinzile ukunenwa vii vyonsi? Uzye Yawe camufulila ukuteeka umwenzo? Uzye icumi kwene wene alacita ivyamusango uu? Uzye wene asilanda amazwi yamutembo ku antu akacita ivisuma?”

Galatiya 2:14

Lelo lino naweni ukuti cino yacita citaine ni cumi icaya mwi Landwe Lisuma, nakalipile Petulo inti, “Petulo, wemo wewe Muyuda. Lelo ukaikala wa Mukulukuwa, asi wa Muyuda. Uzye lyene, ungapatikizya uli Akulukuwa kuti yaikala wa Ayuda?”

Masamu 84:9

Lolekesya apa mwene witu, akatuvwangila kweneko, polelela umwene wa mpanga itu, wino wasolola we mweneco ukuti atuteeka.

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

Yoane 1:9

luswepo lwa cumi lukakozya muno nsi pa antu onsi.

Masamu 47:9

Yakateeka ya inamasi nayo vwile ali pakwiza. Yakongana apali ponga, na ntu yakwe Leza wakwe Abulaamu. Ee, icacumi Leza ali mweneco wa nkwela zyonsi izya vita, ali kateeka wakwe yonsi!

Malango 18:2

Yene yatalinzile yakwate impanga, ndi vino imitundu yuze yakwata. Yawe ali cipande cao, wakwe vino wene wayalavile.