Masamu 84:1 - Amazwi Yakwe Leza 2013

¹ Iye mwe vino natemwisya isano lyako, we Yawe Wamaka yonsi! Pasi paciluka, ica misolo ya kwisano lyako.

Masamu 84:1 交叉參考

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Masamu 43:3

Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Masamu 122:1

Nazanzile wakwe cimwi lino nuvwile yakuti, “Katuye uku ng'anda yakwe Yawe.”

Masamu 8:1

We Yawe, Mwene witu, iye mwe vino izina lyako lyacindama pano nsi ponsi! Ucindami wako wafika na pi yulu apapela.

Masamu 132:5

mpaka sile natala nalondela Yawe icifulo, incende umwakwikalamo Leza Wamaka yonsi wakwe Yakobo.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Masamu 81:1

Lumbanyini Leza impalume itu, imbilini Leza wakwe Yakobo.

Masamu 42:1

Ndi vino inswela ikayaseela apa kulonda ukuli amanzi azuke, avino nani kwene nkukulukisya cuze we Leza.