Masamu 82:8 - Amazwi Yakwe Leza 2013

⁸ Katuka, we Leza, nduteeke insi yonsi ya pano pansi, pano antu ya mitundu yonsi akwako.

Masamu 82:8 交叉參考

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Masamu 2:8

Undenge, nga nani namakupeela inko zyonsi. Insi yonsi pano yapelela imaya iyakwako.

Masamu 96:13

apa manso yakwe Yawe, pano wene wataiza uku kupingwila insi yonsi. Wene alapingula insi yonsi umu ololoke, nga na antu amitundu yonsi mu cisinka.

Masamu 22:28

Pano Yawe ali kateeka kwene. Ali wino wateeka na antu amu nko zyonsi.

Masamu 102:13

Katuka fwandi, nduyele Zioni uluse, insita lyene yatifika ino ungamuyelela uluse. Ikwene ili nsita ilingine!

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Masamu 44:26

Katuka utwazwe! Tupususye pano uluse lwako ulwa pee.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Masamu 7:6

Katuka, we Yawe, ni cipyu cako. Nkuti katuka we Leza wane! Lwisya ukali wa anisi yane, pano wemo ulungi auno ukalonda kuti yacite.

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Masamu 94:2

We mupinguzi wa antu yonsi, katuka upezye avilumba, ukulingana ni vicitwa vyao!