Masamu 79:1 - Amazwi Yakwe Leza 2013

¹ Iye mwe Leza! Ainamasi yawililila impanga ya antu yako! Yatiyakowezya ni ng'anda yako iya muzilo, yatiyaongolola nu musumba wa Yelusalemu.

Masamu 79:1 交叉參考

2 Yamwene 24:13

Nebukadineza ali pakusenda ni vyuma vyonsi vyakwe zaabu ivyali umu Ng'anda ikulu yakwe Yawe vino Solomoni umwene waku Izlaeli wapanzile, ni vyali mwi sano kwene. Alino avitwala ku Babiloni.

2 Milandu 36:17

Icaleka lyene Yawe wasuka wayatumila umwene waku Babiloni uku kuyazanza, wiyo uwizile akomola alumendo yonsi amu mpanga ya Yuda, nu mu Ng'anda ikulu yakwe Leza, ukwaula kusya nanti wenga, umulumendo nanti umukazyana, umukombe nanti umukoloci. Leza ayapeela yonsi kwene mu makasa yakwe.

2 Milandu 36:19

Alino aoca ni Ng'anda ikulu yakwe Leza nu kuwisya ilinga lya musumba wa Yelusalemu kumwi na masano kwene nu konona ivintu vyamutengo ivyali mwenemo.

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Masamu 78:71

nu kuwaka utwana twa mfwele. Wamucita umwene wa ina Izlaeli, ali pakuya kacema wa antu yakwe Leza.

Kufuma 15:17

We, Yawe, ulingizya antu yako mukasi nu kuleka yikale pa mwamba wako, pa cifulo cino wasolola ukwikala penepo we mwisikulu, ili ng'anda yako yamuzilo, ino we Yawe waikuulila na makasa yako.

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Ezaya 63:18

Swe antu yako amuzilo tuli ungati anisi itu yatusalanganyizizya insi yonsi, nu kukowezya yatiyakowezya incende yamuzilo yakwako.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 39:8

Aina Babiloni yoca isano lya mwene kumwi na mang'anda ya antu, nga yawisya na malinga ya musumba wa Yelusalemu.

Yelemiya 51:51

Mwalanda muti, “Twali ni nsonyi apakuvwa umuzewanya, ala pasi pa nsonyi pa mausyu itu pamulandu na enyi yano yingile mu ncende zyamuzilo zya Ng'anda ikulu yakwe Leza.

Yelemiya 52:13

Wene aoca Ng'anda ikulu yakwe Yawe, isano lya mwene na mang'anda yonsi amu Yelusalemu.

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Ezekelo 9:7

Nga nupya Leza anena ati, “Kowezini ing'anda ino yakumpepelamo. Mu misolo yakweyo tulumalikini ivyala vya antu. Pitangini!” Caleka nayo yapita yatandika ukukomola antu mu musumba.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.