26 Alino akatusya nu muza waku ufumondaka, nao umapunga, uku maka yakwe, waleta nu muza uwaku katutu.
Awe alino Yawe atuma icipunga icikatusya inkwale ukufuma lwa kuli yemba nu kwiza ziponyezya mu nsakwe. Izivimba musili mutika ukulingana na mamita yaili. Izilimba ukuliizya insakwe konsi konsi, nupya ukulingana ni ncende ino umuntu angapita musanya onsi.
Akaleta amakumbi ukufuma uku mpela yonsi, alenga ni nkuwa ukupangalansya, nga aleta ni cimuza ukufuma umu nkoma zyakwe.
Caleka Mose akatusya intuwa mwi yulu na Yawe alenga umuza ukufuma ku ufumondaka kuti upunge. Umuza upunga uwanda onsi usiku nu musanya. Uwanda uno walondelilepo lino ilanzi likutunka, makanta ala wataandalala impanga yonsi ya Eguputo.
Lino inkwale zicili mu tunwa twao, yatacili yazisyete nu kuzimila, icipyu cakwe Yawe icivundukila antu nga ayaponyezya impungo imwi ikulu cuze.
Lyene ndi cakuti wavwanga, nga imvula ya mawe isunguluka. Wene akakatusya cipupu, nga amanzi iyaapita!
