8 Uzye lyene wata ukutemwa? Uzye lyene ulayo wakwe utaciomba?
Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.
Nemo ntakulanda ukuti, Leza waposiwa kufikilizya ulayo wakwe, pano asi onsi amu mutundu wa ina Izlaeli ali antu yakwe Leza mucumi.
Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.
Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!
Uzye lyene pacani cino nkalu kucululuka? Uzye pacani cino vilonda vyane vyalengela ukupola? Uzye ukulonda kuti uye kunondi wa luzi lwa ucenjezi, ulwa manzi akansomba?”
Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.
Swensi pano sweswe ina kufwa. Twaya wa manzi yano yitika pansi, atange yazyolwe. Lelo Leza asicita utazi wa katwe, wene angalonda inzila iya kuwezezyamo umuntu ukufuma kuno utukila.
Uzye namazizimizya amasakamiko ukufika lilaci? Uzye indinzile ukwikala nu ulanda umu mwenzo usiku nu musanya? Uzye umwanisi wane nawe alata lilaci ukuncimvya?
We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?
Uzye usikutukomelezya nupya, apakuti swe antu yako twakusansamukila?
