3 Nemo nkaiusya Leza nu kufuteka ala nkufuteeka, nkuinong'onya umu mwenzo, nupya nkatovoka nu kutovoka.
Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.
Ukali wakwe Leza unjizile. Alino nu kuya kwene nemo, intange intale ncicite, apamulandu wakuti Leza wacindama.
Uzye apacani cino tungailizyanyizizya lino yatuvunuka apa kwifya kwitu, lino tucili apuma?
Utezya uye icoopo kunondi, pano nemo nkazina munuli pa wanda wa kuzanzwa.
We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.
Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.
Icani fwandi cino nati nkungumalila? Icani cino nemo nati nsakamalila vii? Awe cumi, nemo nkanataila sile Leza, pano nemo awino namalumbanyanga ndi vino nacitanga mpiti, pano ali katula wane na Leza wane.
Ali cino fwandi nemo intangentale intuzye foo! Nene musoke sana nu kusasila nene musasile, nga nkuilizyanya pano nkunyunguluka mu umi wane.
Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.
Ntange niusye nu usuma wa mutende vino waya, nanti vino ukwikala ku matwi cele kwaya kumwi ni nsansa.
Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.
Uzye manye tungati watusuula amazwi itu akukutekezya? Ali kuti watusuula nu luse lwakwe Leza luno wakukwatila.
Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.
Usiku onsi cila wanda pa musanzi wane pasipakuloota umukundwe wane. Akula napalapasya, mpalapasya, awe asi wakulola.
We Yawe, wapezya antu yako, alino umu ulanda wao ali pakupapata kunuli.