Masamu 77:18 - Amazwi Yakwe Leza 2013

¹⁸ Inkuwa iyapangalakansya, alino nu kumyantula kwakweyo nako ikwakozya pano nsi, cakuti iyazakaza nu kutenta, iyatenta.

Masamu 77:18 交叉參考

Masamu 97:4

Ukumyansya kwakwe kukaswefya insi yonsi, nga alino insi ilola nu kuzakaza.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

2 Samueli 22:14

Lyene Yawe avwanga wa kupangalansya ukufuma umwiyulu, nga ni zwi lyakwe Leza Wamaka yonsi ilyuvwika.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Habakuku 3:4

Wene akaiza kunotuli nu kumyansya kwa nkuwa. Uluswepo lwakwe lukayengesa ilufuma mu makasa yakwe, kuko ukwazula amaka yakwe afisame.

Masamu 104:7

Lelo lino wakalipile amanzi yaswilile mwenemo, lilyo lino yuvwile vino wavwanzile nayo yaswilile sile ulwilo.

Masamu 18:7

Lyene insi ali pakusunkana nu kutenta. Amasinte ya myamba pasi pakutelengana apamulandu nu kali wakwe Leza.

2 Samueli 22:8

Lyene insi izakaza nu kusunkana. Umufula wa lwelele iutenta, nu kuzungana pamulandu wakuti Leza wasosile!

Yakapingula 5:4

We Yawe lino wafumile ku myamba ya Seili, lino wafumile ku mpanga ya Edomu, insi yasunkine nga ni mvula itonya. Endi amanzi yapongolwike ukufuma mu makumbi.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Masamu 18:14

Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.