Masamu 76:12 - Amazwi Yakwe Leza 2013

¹² Pano wene akatembola intunguluzi zya vilumba, nupya yamwene nayo yakamoopa.

Masamu 76:12 交叉參考

Zefaniya 3:6

Yawe akuti, “Natinonona antu amu nko zyonsi, nga nu kuwisya amalinga yao yonsi ankondo. Ni miseo yao naitazyela, kusi umuntu nanti wenga akapita mwenemo. Imisumba yao yononwa, nupya kusi umuntu nanti wenga asile mwenemo.

Masamu 68:12

“Ala yamwene ni vita vyao yatiyapuuka!” Yamangu asiile umu misumba ali yano yankanyanga ivisampwe.

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Ezaya 24:21

Mu wanda ulya Yawe alavunuka asambazi yamaka yano yayela umupela, kumwi na yakateeka yamaka ya panonsi.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Masamu 2:10

Caleka, lyene mwe yamwene, ilukini. Cenjelini mwe yakateeka ya muno nsi.

Masamu 2:5

Alino ayanenola ukali ukali, nu kuyoofya sana umu cipyu cakwe ati,

Umbwilo 6:15

Lyene yakateeka amu nsi, intunguluzi na yamusika akulu avita, akama na antu ya maka, nga na antu yauze, azya na antungwa yonsi yafisama mu macele nu mwisika lya milunda yamu myamba.

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.