3 apa kuvwa uzuwa apa kulola kuno aipe nayo yakwata ulongo.
Lyene nkwelenganya nu kuuzya inti, “Uzye icani cino antu aipe yene yakalengela pano nsi, iyakota nu kukota, ni syuko ala yakweti ilivule?
Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?
Utazuwila yakaifya umu mwenzo wako, wemo uwaopa sile Yawe amanda yonsi.
Utekele sana nu kutaila muli Yawe, utasokela wiyo uwaya nu longo, nanti wiyo akacita ivya ucenjezi.
Citakusakamika apa uyi wa antu aipe, utauvwa uzuwa kuli yakaluvyanya.
Utazuwila antu yano yakwifya, nupya utaezya ukutandana nayo icuza.
Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”
Utacitila uzuwa umuntu wa luzazwe, nupya utakolanya imiyele yakwe,
Alino tala mulole! Aivi na antu atamanya Leza, yene yakaikalila ukwaula nu wakuyasonsomba. Fwandi yene amaka yao ali Leza wao.
Antu yampomvu yakati ndi yalola vivyo, pasi pakuzunguka. Antu akaele yakakatukila antu atamanya Leza.
Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.
Umwipe akaya nu longo muli vyonsi. Wene atangiluka upinguzi wakwe Leza. Yonsi akamulwisya wayasuula.
Mu umi wane uwaula muzano mu nsi ii, nalola ivintu viili. Antu yamwi asuma yakafwa, antu aipe yene yasyala nanti angala yakucita iviipe.
Lelo swemo twalola ukuti antu acilumba alio yali nu longo. Cumi kwene yakacita ya nkota alio yakaikala ningo, nupya yakaezya Leza uku vicitwa vyao. Lelo wene akayata sile.”
